रकआईरन गनेश को एक गजल

गजल

ऊ आफै सँग आफै हारेछ
जेजे थिए रहर सबै मारेछ

के भएछ रोहि मात्र रहन्छ
आँसुले मझेरी आहाल पारेछ

ठुलै सपना बोकेको थियो रे
  रित्तै छ त खै कता सारेछ

दस बर्समा स्विजर्लेन्ड भन्थ्यो
उस्तै रहेछ खै केनै लछारेछ

बेकार झुटो जातियता छाडेर
दाजु भाई बिना अर्थ लगारेछ

 

रकआईरन गनेश को एक मुक्तक

लाउ समाउ फुल उपहार तिमीलाई
यो घर यो कुल उपहार तिमीलाई
निसंकोच चुपचाप स्वीकारे हुन्छ
प्यारको यो मन्जुल उपहार तिमीलाई

प्रजित कुवँर को एक गजल

चर्को घाम भन्न पाईदैन आमा ।
दु:ख काम भन्न पाईदैन आमा ।

काम गर्छु मरी मरी दिन रात
सुब शाम भन्न पाईदैन आमा ।
...
गाली सुनी दिन गन्दै मैना बित्छ
थोरै दाम भन्न पाईदैन आमा ।

जसो तसो टल्नै पर्छ छाक यहाँ
मिठो खाम भन्न पाईदैन आमा ।

प्रजित कुवँर थुमपोखरा 8 स्याङ्ग्जा बाँयखोला सिख्रे

नवराज gwawali को एक मुक्तक

दुख्यो मलाई घाउ भन्दैछ
या भन्दा नदुखाउ भन्दैछ॥
 देश रोएको हेर्न चाहन्न म
यो देशलाई हसाउ भन्दैछ॥
...
नबराज ज्ञवाली
छिस्ती बाग्लुङ

बिरोध सुबेधि को एक गजल

हिजो हाँस्दा सँगइ थियौ रुदा आज छुटाइदियो
किन होला नियतिले सम्बन्ध यो टुटाइदियो

अस्ती सँगै बुनेको कती सुन्दर सपना थियो
कुन पापिको आँखा पर्‍यो कस्ले हो त्यो फुटाइदियो

सँगै हुँदा खुशी हामी कती धेरै हुने गर्थ्यौ
अमुल्य त्यो मुस्कान तिम्रो कस्ले हो लुटाइदियो

मन मन्दिरमा सजाकोछु भन्थ्यौ तिम्रो तस्बिर
मन को कुनाबाट त्यो तस्बिर कस्ले हटाइदियो

कती विश्वाश र प्रेम गर्थ्यो यो बिरोधले तिमीलाई
धोका भन्ने गलत प्रमाण कस्ले जुटाइदियो

रकआईरन गनेश को एक गजल

गजल
काटर्दै नकाट्ने धार भएछ जीवन
यस्तै यौटा हतियार भएछ जीवन

चुपचाप सहनु पर्ने यो कस्तो रित
आफ्नै देखी सिकार भएछ जीवन

अर्कैले खुशी सब लुटि दिए पछी
ईज्जत बेगर गतिहार भएछ जीवन

कसैलाई पत्तो छैन यहाँ सडकमा
दिन रात मारामार भएछ जीवन

सबैले थुक्छन अचेल "गनेश" मलाई
समाज देखी अत्यचार भएछ जीवन

 

 

न्यौपाने कान्छा शोभाखर को एक गजल

गए पनि अन्त तिमि भुल्ने छैन म त
यसै मर्छु काडा संग फुल्ने छैन म त//

केहि हुन्न कहानी त्यो सबैलाई भनी
गाऊ भरि राम्रो बन्दै खुल्ने छैन म त /////
...
जिबन चल्न गार्हो हुन्छ समाजले भन्दा
पानी माथि चिनी बनि घुल्ने छैन म त //

प्राण जस्तो मान्दा पनि धोका दियौ तिम्ले /
माया जोडी अन्त कतै डुल्ने छैन म त ///

न्यौपाने कान्छा शोभाखर
पर्बत

आनन्दराम पौडेल को एक कविता

अर्को भागको जीवन

-आनन्दराम पौडेल  anandarampaudel@yahoo.com

शदीयौंदेखि
यो एकलौटी हकभोगको
... चलनचल्ति भित्र
प्रत्येक कदम र घटनामा
सधैं मैमात्र मरेको छु
अड्डाका फाँट-फाँटमा लेखिने
प्रत्येक टिप्पणिमा
अदालतका फैसलाहरुमा
पुलिसका डण्डामा
तथा कानुन र नीतिनिर्माणमा
सधैं मैमात्र मरेको छु।
कीर्तिपुरमा काटिएका नाक मेरै थिए
भीम मल्ल र भीमदत्त काटिंदा
भीमसेन थापा सेरींदा
र प्रत्येक आन्दोलनमा
मेरै रगत बगेका थिए
गाउँघरका तमसुकदेखि
शासकीय दस्तावेजहरुमा
अक्षर-अक्षरमा
म शहीद भएको छु
सबै ठूलावडाका भारले
सधैं म थिचिएको छु
सबै ठूला महलको जगमा
सधैं म पुरिएको छु।
हे नेपाल आमा !
शदीयौंदेखि म
आफ्नै देशभित्र
अर्को भागको जीवन बाँचिरहेछु
आफ्नै पुर्ख्यौली घरमा
सुकुम्बासी जीवन वाँचिरहेको छु।।

हेटौंडा-११, नवलपुर

न्यौपाने कान्छा शोभाखर को एक गजल

खोटो रैछ भाग्य मेरो लेख्दा खेरि छलेछ कि
त्यति बेला दैब को नै राज मात्र चलेछ कि //

नत्र भने तल माथि हुन्थे होला पक्का केहि
... दैब संग डराएर भाग्य लेख्ने ढलेछ कि ///

न त मैले लेख्ने अब न त उस्ले लेखो पहिले
भाग्ये लेख्ने पाना हरु आगो माथि जलेछ कि //

कति दुख आई लागो आसुको नै ताल बन्यो
मेरो भाग्य माथि सबै पिडा हरु मलेछ कि

सत्य नास भाको रैछ केहि पनि छैन यता //
सुन्दर त्यो बोट माथि अईजरु फलेछ कि ///

न्यौपाने कान्छा शोभाखर
पर्बत

प्रजित कुमार को एक गजल

दैवले चुटेपछी गजल लेख्न थाले
वेदना जुटेपछी गजल लेख्न थाले

मायाको जात केहो मनमा अनेक
प्रसँग उठेपछी गजल लेख्न थाले
...
आत्मा देखी चाहेर लाएको चोखो
पिरती छुटेपछी गजल लेख्न थाले

सिउदो भरी उनको आफ्नो बनाउने
सपना टुटेपछी गजल लेख्न थाले

बल्झिएर अतित हरपल उनको
यादले कुटेपछी गजल लेख्न थाले

प्रजित कुवँर थुमपोखरा 8 स्याङ्ग्जा बाँयखोला सिख्रे

जय भाबुक को एक मुक्तक

कोहि जीवन देखि हारेर जान्छन!
कोहि यहॉ जालमा पारेर जान्छन!
कति निस्ठुरी  हुदोरैछ मन कसैको,
मन मुटू जीउदैमा मारेर जान्छन!

 

 जयराम बि क  {जयॉ भॉवुक}
धधवार ७ बर्दिया
हाल मलेसिया  जोहोर,,,

राजु काश्यप को एक गजल

॥ गजल ॥
: राजु काश्यप
सुखद् बनुन् प्रत्येक पल, यो नयाँ बर्षमा !
नहोस कसैलाई कतै छल, यो नयाँ बर्षमा !!

सफल बनोस जिन्दगी, हाँसो ओँठमा !
नबगोस कहीँ आँसुको भल, यो नयाँ बर्षमा !!

लागुन् काममा कर्मठ हात, नगरि घात !
बनुन् सबै कार्य सफल, यो नयाँ बर्षमा !!

होस धेरै प्रगति अझ, भाषा र साहित्यको !
लेखियौँ मिठा-मिठा गजल, यो नयाँ बर्षमा !!

शुभकामना छ मेरो, ती तरुण जिवनलाई !
देशको बिकाशमा गरुन् जलमल, यो नयाँ बर्षमा !!

॰शदिया, असम, भारत ।
razoo.kashyap@gmail.com

मदन भण्डारी को यौटा मुक्तक

मुक्तक :

अरुले झै मैले मायाँ गर्न जानिन होला,
झुटै रहर झुटै सपना छर्न जानिन होला,

एक चोटि दिएको मन फर्किन्न भन्थे प्रितमा,
सायद मैले तिम्रो दिल नै हर्न जानिन होला !!

मदन भण्डारी

हामी  निर्माण का क्रम मा छौ प्रत्रिक्ष्या गर्नु होला धम्यबात।