मानन्धर अभागी को एक गजल

~~~~~~ गजल ~~~~~~~~~~

लाज नभाको ढाँट्ने , ढाँटको राजनीति भयो
दरै रहेछ मुटु त् , आँटको राजनीति भयो

सुख र शान्ति पाईन्छ , भन्दै ललाइ – फकाइ
जनता माथि , अन्तर्घाटको राजनीति भयो

कानुन नभाको देश , आ – आफैमा मारकाट
कस्तो होला खै मुक्का र लातको राजनीति भयो

चर्का चर्की राजनीति , त्यो दिन एक – अर्कामा
सदन भित्र नै , हातपातको राजनीति भयो

एउटा कूर्चीको लागि , आफ्नो माटोलाई विर्सेर
विदेशी सित , साँठगाँठको राजनीति भयो ।

– © मानन्धर अभागी ।